Израелскиот премиер Бенјамин Нетанјаху изјави дека државата Израел е во војна.
Тој се огласи во јавноста со видео порака на социјалната мрежа Х.
Неговата изјава е цитирана во целост, според преводот на агенцијата Ројтерс:
„Граѓани на Израел. Ние сме во војна – не операција, не ескалација – туку војна. Утрово Хамас изврши убиствен изненаден напад врз државата Израел и нејзините граѓани. Во таа ситуација сме од рано наутро. Ги повикав лидерите на безбедносниот систем, пред сè дадов инструкции да се исчистат населбите од инфилтрирани терористи – оваа акција се спроведува токму сега“, рече тој.
„Во исто време, наредив масовно мобилизирање на резервите и контра-војна на сила и размери што непријателот никогаш не ги знаел. Непријателот ќе плати цена што никогаш не ја знаел. Во меѓувреме, ги повикувам сите граѓани на Израел строго да се придржуваат до упатствата и инструкциите на армијата. Во војна сме и ќе победиме“, рече тој.
אנחנו במלחמה. pic.twitter.com/XNM3l7fEQH
— Benjamin Netanyahu – בנימין נתניהו (@netanyahu) October 7, 2023