Нестабилно време и есенски температури

Сподели со своите пријатели

Променливо облачно и посвежо време  со повремени врнежи од дожд можеме да очекуваме во текот на денешниот ден, информираат од Управата за хидрометеоролошки работи.

Во јужните делови врнежите се очекува да бидат поројни и проследени со грмежи. Ќе дува засилен ветер од северен правец, особено вдолж Повардарието и во Пелагонија. Минималните температури ќе се движат од 12 до 18 степени, додека максималните дневни ќе бидат во интервал од 22 до 28 степени целзиусови.

Во Куманово и околината денеска ќе имаме значително постудено време за разлика од претходните денови, но и жолто предупредување за ветер од страна на порталот accuweather. Ќе биде облачно проследено со врнежи и грмежи во текот на целиот ден. Ќе дува засилен северен, односно северозападен ветер. Максималната дневна температура ќе изнесува 24 степени целзиусови. Врнежи и грмежи се очекуваат и во вечерните часови кога температурата ќе се спушти за 11 степени, односно ќе изнесува 13.

И во среда времето ќе биде променливоо облачно и свежо, со локални врнежи од дожд со променлив интензитет, проследени со ретки грмежи и со засилен северен ветер. Температурата на воздухот ќе биде значително пониска во однос на претходните денови. Од четврток ќе настапи стабилизирање на времето со постепен
пораст на дневната температура.

 

Loading...

Comments are closed, but trackbacks and pingbacks are open.