Нерасчистени односи причина за престрелката во Куманово

Сподели со своите пријатели

Четириесет и четиригодишен кумановец и пет години постаро лице, негов сограѓанин, се двајцата учесници во денешната престрелка во Куманово.

Loading...

– На 05.12.2023 година во 17.17 часот во СВР Куманово било пријавено дека на улицата “Борис Кидрич” во Куманово М.С.(44) испукал со пиштол и го повредил Т.Ш.(49) во пределот на нозете, информираат од кумановската полиција.

Според пријавеното, причина биле меѓусебни нерасчистени односи.

– Се преземаат мерки за расчистување на случајот, стои во соопштението на кумановската полиција.

Претходно како што информираа од кумановската болница во 17:38 часот кај нив со возило на Итна медицинска помош било донесено едно повозрасно машко лице со две прострелни рани на двете нозе.

ПРОЧИТАЈТЕ И:  Кумановец натепал вработен во Отсекот за управни работи

По пружање на првична помош, лицето со медицински персонал, поради сериозноста на повредите било однесено на Клиниката за васкуларна хирургија во Скопје.

Никола Ивановски