Шенон Стивенс од Аљаска имала блиска средба со мечка додека седела на шоља во полски тоалет кога мечка и го гризнала задникот: “Седев на тоалетот и одеднаш нешто ме гризна за задникот. Скокнав и почнав да врескам”. Изјави Шенон Стивенс за АП.
Шенон Стивенс, нејзиниот брат Ерик и неговата девојка дошле неколку дена да го поминат одморот во неговиот јурт, околу 32 километри северозападно од Хајнс, на југоистокот на Аљаска.
Нејзиниот брат слушнал врисок и истрчал кон тоалетот оддалечено околу 50 метри од јурот. Таму ја пронашол Шенон како се држи за раната. Отпрвин помислиле дека ја каснало некое помало животно.
Ерик влегол во тоалетот со ламба и кога го подигнал капакот го видел лицето на мечката која гледала право во него.
“Го затворив капакот најбрзо што можев. Мечка има долу, мора да излеземе од тука”, реков, а потоа отидовме во јуртот “, рече Ерик.
Во јуртот тие се грижеле за раната. Тие утврдиле дека не станува збор за сериозна повреда, но дека таа веднаш ќе се врати доколку и се влоши состојбата.
„Крвареше некое време, но не беше страшно“, вели Шенон.
Следното утро, на парцелата пронашле траги од мечка, но животното ја напуштила областа.
Причините за мечките да излезат од хибернација може да го вклучат фактот дека тоа била лоша година за чување лосос во комбинација со многу слаби бобинки.
„Исто така е можно мечката да не можела да создава доволно маснотии во дувлото, па затоа морала да биде надвор почесто или порано“, рече Карло Коч, биолог од Одделот за риби и дивеч на Аљаска.