Недостиг од работници на германските аеродроми, летото ќе биде хаотично

Сподели со своите пријатели

Проблемот со доцнење и откажување летови на германските аеродроми поради недостиг на работна сила веројатно нема да биде толку брзо ублажен, изјави министерот за транспорт Фолкер Висинг, а Луфтханза најавува „хаотично лето“.

Loading...

„Ситуацијата во европскиот систем за воздушен транспорт е огромен предизвик за сите“, изјави Висинг за неделното издание на тиражниот весник „Билд“, додавајќи дека тешко дека наскоро ќе се најде решение за недостигот на работна сила.

ПРОЧИТАЈТЕ И:  Иранскиот верски водач ги обвинува САД и Израел дека стојат зад демонстрациите

Хаос владее на аеродромите во неколку европски градови во последните неколку недели, како одраз на наглото зголемување на побарувачката за одмор во странство.

Така, некои патници на аеродромот во Даблин чекаа во ред со часови за да пристапат до терминалите.

Експертите посочуваат на недостиг на работна сила по затворањето на воздушниот сообраќај поради коронавирусот.

Германската авиокомпанија Луфтханза објави дека само во јули планира да откаже околу 900 летови на аеродромите во Минхен и Франкфурт.

ПРОЧИТАЈТЕ И:  Германија, Данска, Норвешка и Франција продолжуваат да ја вооружуваат Украина

Недостаток на работници

Според германскиот синдикат Верди, недостигот на работници кои вршеле безбедносна контрола, операции за пријавување и ракување со багажот ги погодил најтешко аеродромите како Франкфурт, Хамбург, Берлин и Дизелдорф.

Ситуацијата само ќе се влоши, според Кристин Бехле, заменик-претседател на надзорниот одбор на Луфтханза.

Loading...

„Летото ќе биде хаотично“, изјави Бехле за Augsburger Allgemeine, признавајќи дека поради жестоката конкуренција од аеродромите, трошоците за платите се намалени меѓу 30 и 40 проценти.

ПРОЧИТАЈТЕ И:  Денеска ќе биде објавен добитникот на Нобелова награда за медицина

Комуналните претпријатија отпуштија работници за време на заклучувањето на пандемијата, кои бараа други работни места, додаде Бехле.

– Овие работници ни требаат сега, и тоа итно, бидејќи бројот на резервации повторно значително расте, нагласи таа. Ќе биде драматично, предвидува лидерот на Луфтханза.