Претпладне времето ќе биде сончево и свежо, попладне со мала до умерена облачност. Ќе дува умерен, а вдолж Повардарието засилен северен ветер, информираат од Управата за хидрометеоролошки работи.
Во Куманово и околината денеска ќе имаме претежно сончево време со мала облачност. Ќе дува умерен ветер од северен правец. Утринската температура ќе биде еден степен под нулата, а максималната дневна се очекува да достигне 11 степени целзиусови.
Од утре ќе започне раст на дневната температура. Во текот на вторник ќе имаме слично време како и денеска, со утринска температура еден степен под нулата, а дневен максимум до 12 степени.
Среда носи потопло и доста сончево време. Утринската температура ќе биде еден степен под нулата, а дневниот максимум ќе достигне 16 степени целзиусови.
Во четврток нѐ очекува повторно сончево и топло време. Температурата во раните часови ќе биде еден степен под нулата, а дневниот максимум ќе изнесува 17 степени.
Претежно облачно време ќе имаме в петок, кога утринската температура ќе биде два степени, а дневниот максимум повторно 17.
Претстојниот викенд повторно носи пад на температурата, но и услови за врнежи од дожд.
Во сабота времето ќе биде облачно со услови за слаби врнежи од доќд. Минималната температура ќе изнесува минус еден степен, а максималната дневна 12 степени целзиусови.
Во недела ќе престанат врнежите и ќе настапи преодно намалување на облачноста. Температурата во утринските часови ќе биде три степени под нулата, а максималната дневна ќе се искачи до 13 степени.
Стартот на новата работна недела носи стабилно време, но веќе од средината на истата ќе има повторно врнежи од дожд.
Никола Ивановски