Украинската нуклеарна централа Запорожје, која е под руска контрола, во текот на ноќта ја изгубила врската со последниот преостанат главен надворешен далновод и била приклучена на резервна линија, соопшти денеска државната енергетска компанија Енергоатом.
Компанијата наведе дека најголемата европска нуклеарна централа е на работ на откажување бидејќи резервната линија има помалку од половина моќност од главниот далновод, пишува Гардијан.
„Ваквиот режим е тежок за реакторската централа, неговото времетраење е ограничено и може да доведе до откажување на главната опрема на енергетската единица“, вели Енергоатом на Telegram, пренесува Танјуг.
Нуклеарната централа Запорожје, која има шест реактори, е под контрола на руската војска од првите денови на инвазијата на Москва во февруари 2022 година.
Двете страни постојано се обвинуваат меѓусебно дека ја загрозуваат безбедноста на централата, каде што украинскиот персонал продолжи да работи под контрола на руската војска.
Сите информации поврзани со најновите случувања со војната во Украина можете да ги прочитате ТУКА.