Веројатноста за прекини на струја во делови од Европската унија во блиска иднина е многу голема, вели австриската министерка за одбрана Клаудија Танер.
„Мораме да се подготвиме за прекини на струја во Австрија и Европа, предупреди Танер.
Министерката Клаудија Танер во интервју за германскиот весник „Велт“ откри дека очекува наскоро да има големи прекини во снабдувањето со електрична енергија на територијата на Европската унија, пишува „Клајне цајтунг“.
„Не е прашање дали, прашање е кога тоа ќе се случи“, рече Танер.
Таа нагласи дека ризикот од широко распространети прекини на струја е значително зголемен поради војната во Украина.
„За Путин, хакерските напади врз западното снабдување со електрична енергија се средство за хибридна војна. Не треба да се преправаме дека тоа е само теорија. Мора да се подготвиме за прекини на струја во Австрија и Европа“, рече Танер.
Таа објасни дека една третина од населението може да се грижи без струја најмногу четири дена.
„Поради оваа причина, армијата сака да постави вкупно 100 самостојни касарни кои ќе можат да се снабдуваат за две недели до 2025 година. Покрај тоа, треба да има и таканаречени безбедносни острови, кои во итни случаи можат да бидат контакт точки за цивилни помагачи и службеници за спроведување на законот“, рече австрискиот министер.
Сите информации за економско-енергетската криза во Македонија, регионот и светот можете да ги прочитате ТУКА.