Алијансата НАТО започна истрага за украдени податоци од доверливи воени документи кои хакерска група ги понудила на продажба на интернет.
Како што пренесува Би-Би-Си, податоците вклучуваат нацрти за оружје што го користеле сојузниците на НАТО во конфликтот во Украина, а хакерите го продавале преку интернет откако ги украле податоците од MBDA Missile Systems, голем европски производител на оружје.
Инаку, оваа компанија со седиште во Франција објави дека нејзините информации се хакирани од надворешен хард диск и дека соработува со властите во Италија, каде што се случи пробивањето на податоците, но дека ниту една од доверливите датотеки не е на компанијата.
Документи со неколку различни нивоа на доверливост
НАТО соопшти дека алијансата ги проценува тврдењата поврзани со доверливите податоци, наводно украдени од МБДА, велејќи дека нема индикации дека некоја од мрежите на алијансата била компромитирана.
Сајбер-криминалците кои работат на руски и англиски форуми ставаат 80 гигабајти украдени податоци на продажба на интернет за 15 биткоини, или околу 18 илјади фунти.
Бесплатно е понуден онлајн примерок од 50 MB од податоците, кои Би-Би-Си тврди дека ги видел и кои вклучуваат документи означени со неколку различни нивоа на доверливост што ги користи НАТО, како што се „NATO Confidential“, „NATO Restricted“ и „Unclassified Controlled“.
Разузнавачка комуникациска мисија во Естонија
Досиејата, кои Би-Би-Си не можеше самостојно да ги потврди, детално ја прикажуваат „разузнавачката комуникациска мисија“ на американска воздушна ескадрила што беше извршена кон крајот на 2020 година во Естонија над Балтикот.
Инаку, компанијата „MBD Missile Systems“ е основана во декември 2001 година кога се споија компаниите за ракетни системи во Франција, Италија и Велика Британија.
Компанијата оствари приход од 3,5 милијарди фунти минатата година.
MBDA Michele Systems е создадена во декември 2001 година по спојувањето на компании за ракетни системи во Франција, Италија и Велика Британија, пишува Би-Би-Си.