До крајот на неделава ќе биде пуштен во употреба новиот паркинг простор во центарот на Куманово, познат како „Берза”.
На оваа локација екипите на јавното претпријатие „Куманово-Паркинг” веќе ги завршија подготвителните работи на терен.
– Предвидени се вкупно 71 паркинг место од кои две за инвалидизирани лица, за нив е бесплатно, а останатите 69 наскоро ќе можат да ги користат граѓаните. Цената е иста како и за целокупната зона „А”-изјави директорот на кумановски паркинг, Фадиљ Шабани.
Досега граѓаните се жалеа дека на овој простор никогаш и нема слободно паркинг места, иако оваа локација се наоѓа во близина на општината, судот, поштата, СВР Куманово и неколку државни установи и институции.
Надлежните од „Куманово-Паркинг” најавија дека при крај е изработката на проектната документација потребна за реализација на зоната „Б” кај спортската сала, кај градскиот стадион и кај противпожарната единица.