Во текот на оваа деценија, НАСА уште еднаш има намера да направи мал чекор за човекот и голем за човештвото. Иако мисијата за враќање на Месечината е одложена од планираната 2024 година за, како што сега стојат работите, 2025 година (јасно е дека и тој датум може да се промени), подготовките за слетување на Земјиниот сателит се во полн ек.
Многу е важно да се подготват астронаутите за живот на Месечината, а НАСА минатата недела објави фотографија за да покаже како ќе изгледаат овие подготовки. Имено, како дел од нивната лабораторија за неутрална пловност (NBL) во вселенскиот центар Џонсон во Хјустон, постои голем базен кој ги симулира условите со кои ќе се сретнат астронаутите на Месечината, а базенот моментално се подготвува за астронаутите.
Kill the lights – we’re simulating a Moonwalk!
Divers at NASA’s Neutral Buoyancy Laboratory turned off the lights to simulate what an Artemis astronaut might experience at the lunar south pole – long, dark shadows. pic.twitter.com/naslhzzix7
— NASA’s Johnson Space Center (@NASA_Johnson) February 2, 2022
Фотографијата открива две лица на дното на базенот каде што дното е направено како месечева површина и при многу слаба осветленост. Како што објаснуваат од НАСА, на местото каде што астронаутите ќе слетуваат и ќе чекорат на Месечината, сонцето ќе биде само неколку степени над хоризонтот, па условите на светлина ќе бидат „предизвикувачки“, односно ќе биде прилично темно“.
Вакви услови на дното на базенот, какви што би требало да бидат на Месечината, НАСА се обидува да симулира со исклучување на сите светла и поставување црни завеси на рабовите на базенот за да се намали сјајот и рефлексиите, а единственото осветлување што го користат е моќна филмска ламба. Сето ова треба да помогне да се создадат осветлување и атмосфера со кои астронаутите треба да се сретнат штом човечка нога повторно ќе ја допре земјата на Месечината, додека тешкото движење во водата треба да ја симулира гравитацијата на Месечината. Таа атмосфера и услови, секако, нема да бидат многу пријателски или пријатни.
Покрај навикнувањето на условите на светлина и гравитацијата, астронаутите ќе вежбаат и други задачи на дното на базенот, како што се собирање примероци од земјата со помош на специјални алатки и, се разбира, поставување знаме.