НАСА во петокот ја објави првата аудио-снимка од четвртиот тест лет на мини хеликоптерот „Ingenuity“ на Марс, извршен на 30 април, објави американската вселенска агенција.
Звукот на пропелерите на хеликоптери кои вртат повеќе од 2.500 вртежи во минута едвај се слуша како хеликоптерот, тежок само 1,8 килограми, беше оддалечен повеќе од 80 метри од микрофонот на роверот „Perseverance“.
Налетите на ветрот исто така го придушува звукот на хеликоптерot.
Ова е прва аудио-снимка од лет до Марс, но иако едвај се слуша, претставува „многу убаво изненадување“, рече планетарниот научник Дејвид Мимун.
„Направивме експерименти и симулации кои покажаа дека за микрофонот ќе биде тешко да го собере звукот на хеликоптерите бидејќи атмосферата на Марс е таква што го пригушува ширењето на звукот. Имаме среќа што го снимивме звукот на тоа растојание“, рече Мимон.
Тој посочува дека аудио-снимката е „златен рудник за разбирање на атмосферата на Марс“.
Иако Ingenuity е многу лесен, доволно е силен да издржи на силниот ветер и студот на Марс.
Роверот Perseverance е тежок околу 1.000 килограми и е со големина на помал автомобил, а за да стигне до Црвената планета мораше да помине 472 милиони километри за 203 дена.
Слета на исушено езеро со дијаметар од 45 километри и го нарече Кратер Езеро. Тие ќе го проучуваат во текот на следните две години.
За развој и изградба на роверот беа потребни осум години, а целиот проект чинеше 2,5 милијарди долари.
Мисијата на Perseverance е да бара траги од микробиолошкиот живот на Марс и да ги проучува климата и геологијата на планетите.