Најголемиот светски производител на нафта Саудиј Арамко за Би-Би-Си потврди дека податоците на компанијата излегле од еден од нивните изведувачи на работите.
Датотеката која протече сега се користи како средство за изнуда на 50 милиони долари од компанијата, додава британскиот јавен сервис.
Во е-пошта одговорено на истрага на Би-Би-Си, Арамко рекол дека „неодамна дознале за индиректно откривање на ограничена количина на податоци за компанијата што ги чуваат независни изведувачи“.
Саудискиот енергетски гигант не соопшти за која компанија станува збор или дали изведувачот бил хакиран или податоците излегле на некој друг начин.
– Протекувањето на податоците не се случи со пробивање на нашиот систем, настанот нема никакво влијание врз нашата работа, а компанијата сè уште одржува силна сајбер безбедност – додаваат од Арамко.
Hackers reportedly demand $50m from Saudi Aramco over data leak https://t.co/VMoNkyv2EL pic.twitter.com/J2r86zEs4f
— Fabluc (@Fabiolucv) July 22, 2021
Изнудувачите добиле еден терабајт, или 1.000 гигабајти податоци на Арамко, објави претходно агенцијата АП, повикувајќи се на веб-страница на darknet (делот од шифрираната мрежа на интернет што е достапен само преку специјализирани алатки што овозможуваат анонимност) .
Според извештајот на АП, на таа веб-страница на Арамко и било понудено да се избришат податоците во замена за 50 милиони долари во криптовалута, а засега не е познато кој стои зад бараниот откуп.
Арамко не одговори на барањето на Би-Би-Си за коментар на веста на АП дека компанијата е цел на обид за изнуда од 50 милиони долари.