Најмалку шест лица загинаа во два силни земјотреси кои ја погодија Албанија, а 325 беа повредени, јавуваат албанските медиуми.
Министерството за одбрана соопшти дека две тела биле извлечени од срушената зграда во Драч, пренесува АП.
Три жртви се пријавени во Драч досега, две се пронајдени во Тумана и една во Курбин.
Епицентарот на првиот земјотрес со јачина од 6,4 степени, што се случи во 3:54 часот утрово, бил помеѓу Драч и главниот град Тирана, на длабочина од десет километри.
Претходно медиуми објавија дека во 07:10 часот Драч повторно бил погоден со земјотрес, чија јачина, според првичните податоци, била 6,5 степени, но подоцна беше објавено дека земјотресот е послаб, со јачина од 5,4 степени, што го регистрираше и Американското биро за сеизмологија.
Спасувачките служби претходно соопштија дека четири лица загинале, а тој број се искачил на шест кога две лица биле извлечени од урнатините на зградата со шест ката што се сруши во Драч, пренесува албански А2 .уз.
#earthquake #tirana #albania pic.twitter.com/SSTlrqSzCd
— Klaudja Karabolli (@KKarabolli) November 26, 2019
Според албанските медиуми, Министерството за здравство објави дека најмалку 325 лица се повредени и примени во болниците во Драч и Тирана. Уништени се најмалку две згради, а многу се оштетени. Наставата е прекината во сите училишта.
Аеродромот „Мајка Тереза“ во Тирана е затворен поради големо оштетување на терминалот.
Земјотресот беше почувствуван и во Босна и Херцеговина, Србија, Црна Гора, Северна Македонија и целиот регион.
Албанскиот премиер Еди Рама пристигнува во Драч, најтешко погоден од земјотресите, додека претседателот Илир Мета ја посетува болница во Тирана.
Жителите во Тирана избегаа по улиците, некои со бебињата во раце.
На видео-снимките објавени на социјалната мрежа се гледа урната зграда во Драч, град на 40 километри оддалеченост од Тирана на јадранскиот брег.
#earthquake in #Durres
— Klaudja Karabolli (@KKarabolli) November 26, 2019
First reported damages! #Albania pic.twitter.com/6jS3Nb0Xiv
Втората снимка ги прикажува зградите со големи пукнатини и урнати фасади.
Портпаролот на албанската влада изјави за Ројтерс најголема штета на зградите во Драч, а неколку лица биле примени во болница во Тирана.
Земјотрес беше почувствуван во целиот регион
Земјотресот беше почувствуван во Хрватска, низ цела Црна Гора, како и во Северна Македонија, Србија, Босна и Херцеговина и Италија.
Раководителот на Институтот за сеизмологија на Црна Гора Јадранка Михаљевиќ рече дека земјотресот што ја погоди Албанија, исто така силно се почувствува во Црна Гора, е еден од најсилните инструментално регистрирани покрај оној од 1979 година.
„Можеме да кажеме дека земјотресот на 21 септември, кој беше 5,8 по Рихтер, беше вовед во активирање на сеизмогената зона. Тлото се уште работи. По толку силен земјотрес, може да се очекува голема серија земјотреси.“, рече Михаjeевиќ.
Земјотресот беше најсилно почувствуван во Подгорица и Улцињ.
Овие два црногорски градови се оддалечени 120 и 70 километри од епицентарот.
Засега нема извештаи за евентуална материјална штета или повредени во Црна Гора.
„Катастрофален земјотрес е забележан на сеизмографите на Сеизмолошката служба на Република Хрватска вечерва, 26 ноември 2019 година, во епицентарот кај Драч, Албанија. Јачината на земјотресот беше 6,3 според Рихтер, а интензитетот во епицентарот беше IX. Според граѓаните, земјотресот бил почувствуван во поширокото подрачје Дубровник “, се вели во соопштението на хрватската сеизмолошка служба.
Busy square in #Tirana for 430am earthquake evacuation pic.twitter.com/ouA4zGobHK
— Michael Newson (@mf_newson) November 26, 2019
Сеизмолошката опсерваторија при Природно-математичкиот факултет во Скопје соопшти дека се регистрирани серија земјотреси, чиј епицентар е во Албанија во областа Драч, е регистрирана на 170 километри југо-западно од Скопје.
Според досегашните податоци, земјотресот најмногу се почувствувал во Охрид, Струга, Дебро, Гостивар, Тетово, Скопје, Кичев, Битола.
Италијанската агенција АНСА објави дека земјотрес е почувствуван и во италијанските региони Пуглиа и Базилика, на југот на земјата.
Тоа е втор земјотрес за нешто повеќе од два месеци што ја погоди Албанија.
Земјотрес со јачина од 5,6 степени ја погоди земјата на 21 септември, а Министерството за одбрана тогаш соопшти дека тоа е најсилниот земјотрес во Албанија за 30 години.