Најгродото животно, но не може да добие рак и му пркоси на стареењето (ВИДЕО)

Сподели со своите пријатели

Иако овие цицачи се многу мали, долги до 10 сантиметри, тие имаат големи колонии составени од организирани индивидуи.

Loading...

Голото слепо куче е интересен вид за научниците бидејќи има некои од најмоќните карактеристики на цицачите.

Тие не добиваат рак, му пркосат на нормалниот процес на стареење на цицачите, преживуваат 20 минути без кислород и толерираат изненадувачки високо ниво на болка.

Но, се покажа дека овие „изроди на природата“ кријат мрачна тајна – ги киднапираат младенчињата и ги претвораат во робови.

Иако овие цицачи се многу мали, долги до 10 сантиметри, тие имаат големи колонии составени од организирани индивидуи. Тие можат да имаат до 300 работници, што е најголема позната колонија на цицачи, а повеќето индивидуи се стерилни.

Всушност, се чини дека овие „згужвани кожни кеси“ се обидуваат да живеат како инсекти.

 

Loading...

 

Само една кралица успева да се размножи и таа го презема престолот преку смртоносна битка за доминација. Може да роди до 30 младенчиња по легло и да ги убеди подредените женки да ги чуваат младенчињата, хранејќи ги со измет.

Киднапираните младенчиња стануваат робови и вредни работници

Во раните 90-ти, истражувачите обележале и ослободиле голи слепи кучиња за да ги придружуваат на долгорочна теренска студија во Кенија.

Откриле дека 26 колонии ги прошириле своите легла во соседните колонии. Поединци од 13-те нападнати колонии никогаш повеќе не биле видени.

 

 

Loading...

Една година по проверка на една од овие колонии, тие пронашле две младенчиња во колонијата со потекло од поразената колонија, но тимот не можел да биде сигурен дека тоа не била само грешка.

– Младенчињата киднапирани од поразената колонија станале непродуктивни работници – напиша тимот на Универзитетот во Вашингтон, предводен од еволутивниот биолог Стен Брод.

– Затоа, нивниот живот би бил категоризиран како ропство, исто како што мравките се робови – наведуваат тие.

Иако такви киднапирања се случуваат и кај некои видови примати, тимот забележува дека ова однесување е повеќе слично на она што се гледа кај мравките робови, како што е Formica sanguinea.

Овие инсекти киднапираат ларви и млади од други видови и ги одгледуваат како дел од нивната работна сила. Овој еволутивен феномен – каде еволутивниот притисок ги создава истите физички или карактеристики на однесување кај целосно неповрзани видови – е познат како конвергентна еволуција.

 

 

Loading...

Жестока агресија помеѓу колониите и еволуцијата

Ако киднапирањето на младенчиња навистина се случува, како што се претпоставува, тоа секако им дава на овие цицачи потребна работна сила за да најдат оскудни ресурси во нивната сушна околина и им помогна да ги изградат своите комплексни подземни домови кои можат да се протегаат со километри долж кумулативната должина на тунелот.

Нивната бизарна физиологија им помага да копаат, како мускулите на вилицата што сочинуваат една четвртина од нивната маса и забите што излегуваат над затворените усни за да не ги голтаат нечистотиите.

– Малку е веројатно дека оваа појава е документирана со наши методи, но се зголемува можноста ова однесување да е многу почесто и може да биде значаен двигател на социјалноста и екстремно големите колонии кај голи слепи кучиња – тврдат Брод и неговите колеги.

Ако е така, тимот верува дека жестоката агресија помеѓу колониите на голи слепи кучиња предизвикува еволуција на големи групи, а ропството им овозможува на колониите да се прошират со цел да се зголеми нивната конкурентска предност пред соседите.

Сепак, тоа е сè уште претпоставка. Брод и неговите колеги се надеваат дека новите технологии за следење, како што се инсталационите трансплендри, ќе помогнат да се реши колку навистина се страшни овие глодари.

Loading...

 


Leave a Reply