Белгиската компанија Aerospacelab ќе стане најголемата фабрика за сателити во Западна Европа и трета во светот, објави денеска порталот „Фокус он Белгија“.
Компанијата Aerospejslab, основана во 2018 година, наскоро доби зголемена побарувачка за производство на сè поголеми сателити.
Затоа, компанијата одлучи да бара поголема локација и го избра Шарлроа за својата нова фабрика.
Aerospacelab добива се повеќе нарачки за сателити, а меѓу клиентите се и големи меѓународни вселенски агенции, странски влади и приватни компании, како и телекомуникациски оператори.
Новата фабрика ќе почне да се гради пред летото и ќе биде завршена за две години, додава белгискиот портал.
Таа нова архитектонски футуристичка зграда ќе биде и одржлива со главни цели за намалување на потребите за енергија, користење на обновливи извори на енергија и користење на опрема со високи перформанси за дополнителни енергетски потреби.
Во новите фабрички простории ќе бидат сместени 500 работници и ќе произведуваат 500 сателити годишно, што е добредојден поттик за белгиската вселенска индустрија.