Најчудните граници во светот (фото+видео)

Од граничен премин во еден национален парк до линија која разделува две држави во внатрешност на трговски центар – ова се некои уд начудните граници во светот.

Низ Националниот парк Кругер во кој живеат слонови и лавови, помеѓу Јужна Африка и Мазамбил минува границата помеѓу двете држави. Не е необично патниците да наидат на диви животни откако ќе го преминат граничниот пункт.

ВЕРУВАЛЕ ИЛИ НЕ: Ова е границата помеѓу Тихиот и Атлантскиот океан (видео)

Границата помеѓу Костарика и Панама се наоѓа во еден голем трговски центар кој го посетуваат љубителите на шопингот во безцаринската зона кај Пасо Каное.

Диомедовите острови ги разделуваат САД и Русија. Двата острови се наоѓаат во центарот на Беринговиот мореуз – едниот припаѓа на Русија, а другиот на САД. Помеѓу нив освен граница, минува и временска зона, па островите се разликуваат по датум за еден ден.

Помеѓу Индија и Пакистан во Вага се наоѓа премин кој ги поврзува градовите Лахоре, Пакистан и Амристар, Индија и до скоро единствениот отворен транзит помеѓу овие две земји. Само автобуси или возови со дозвола може да го преминат овој граничен премин. Секој ден, два часа пред заоѓање на сонцето се затвораат рампите и се изведува церемонијално спуштање на знамето.

Градот Барле поделен е на холански и белгиски дел, а границата помеѓу двете земји минува директно низ него. Улиците и тротоарите во овој град се означени со симболите NL (Холандија) и B (Белгија).

Постои и тројна граница помеѓу Италија, Австрија и Словенија на Алпите. Преминот се наоѓа на надморска височина од 1.500 метри, а секоја година на него се одржува празник за пријателство помеѓу трите држави.