Четврта недела по ред цените на горивата се зголемуваат. Со новата одлука која ја донесе денеска Регулаторната комисија за енергетика дизел горивото од полноќ ќе се продава по цена повисока за еден денар, а бензините и екстра лесното масло за домаќинство по повисока цена за денар и половина.
Од ноќеска малопродажната цена на ЕУРОДИЗЕЛ (Д-Е V) се зголемува за 1,00 денар/литар и ќе изнесува 57,00 ден/литар.
Малопродажните цени на бензините ЕУРОСУПЕР БС-95 и ЕУРОСУПЕР БС-98 и на Екстра лесното масло за домаќинство (ЕЛ-1), се зголемуваат за 1,50 денар/литар, во однос на малопродажните цени утврдени со одлуката за утврдување на највисоки малопродажни цени на нафтените деривати и горива за транспорт од 08.03.2021 година.
Со тоа малопродажната цена на ЕУРОСУПЕР БС-95 ќе изнесува 67,50 ден/лит, малопродажната цена на ЕУРОСУПЕР БС-98, 69,50 ден, додека цената на Екстра лесното масло за домаќинство (ЕЛ-1), ќе изнесува 46,50 ден/литар.