Над 20 загинати во земјотресот во Индонезија (ВИДЕО)

Сподели со своите пријатели

Речиси 20 лица загинаа, а најмалку 300 се повредени во земјотресот со јачина од 5,6 степени според Рихтеровата скала што во понеделникот ја погоди провинцијата Западна Јава во Индонезија, соопшти локален официјален претставник.

Loading...

Херман Сухерман, владин функционер од Сианџур, градот во Западна Јава каде што епицентарот бил земјотресот, изјави за МетроТВ дека до 20 лица починале во болница во областа.

 

 

„Според информациите што во моментов ги имам, само во оваа болница починале речиси дваесет лица, а најмалку 300 се на лекување. Повеќето имаат скршеници откако беа заробени во урнатините на зградите“, рече тој.

ПРОЧИТАЈТЕ И:  Полицијата ги запира луѓето во Шангај и им ги брише фотографиите од протестите (ВИДЕО)

Националната агенција за катастрофи објави 14 смртни случаи.

Епицентарот на земјотресот бил на околу 75 километри југоисточно од Џакарта, на длабочина од 10 километри, соопшти метеоролошкиот и геофизичкиот институт БМКГ, додавајќи дека нема опасност од цунами.

Loading...

Земјотресот во понеделникот бил почувствуван неколку секунди во главниот град на Индонезија, Џакарта.

 

 

Некои ги евакуираа канцелариите во централниот деловен кварт на Џакарта, додека други објавија дека слушнале како зградите се тресат и мебелот се движи, изјавија очевидци за Ројтерс.

ПРОЧИТАЈТЕ И:  Ужас во Могадишу: Експлозија во популарен хотел. Десет лица загинаа

Шефот на БМКГ, Двикорита Карнавати, им се обрати на новинарите во зградата на парламентот и ги советуваше жителите да останат на отворено во случај на последователни потреси.

Суко Прајитно Ади од БМКГ рече дека властите го проверуваат степенот на штетата предизвикана од земјотресот.

Американскиот геолошки институт (USGS) забележа земјотрес со јачина од 5,4 степени според Рихтеровата скала.

Loading...