Израелските окупациски сили информираа дека повеќе од 1.000 палестински жители од 14 села Масафер Јата, меѓу кои и 500 деца, ќе бидат присилно иселени од своите домови во блиска иднина.
Како што се наведува во соопштението на палестинската амбасада, протерувањето на палестинското население од нивната земја и користењето на окупираната земја за воена обука или која било друга цел е кршење на меѓународното право и може да претставува воено злосторство.
„Конфискацијата на имотот е еден од клучните столбови на израелскиот расистички систем на воена окупација и апартхејд над палестинскиот народ. Неколку земји и меѓународни организации, вклучително и ЕУ, ги осудија континуираните прекршувања на Израел, но само зборовите не се доволни. Меѓународната заедница мора да преземе итни конкретни мерки за да Израел одговара за своите кривични дела“, соопшти амбасадата.