Над 1.000 работници на Амазон од два логистички центри во Англија ќе штрајкуваат на почетокот на август, соопшти денеска британскиот синдикат GMB.
Loading...
Причината за штрајкот е несогласување околу платите, пренесува Ројтерс.
„Овој работнички протест ќе се прошири. Јасно е дека битката за правата на работниците во Амазон само што почнува“, рече претставничката на синдикатот GMB, Рејчел Фаган.
Работниците на Амазон во градот Ругели ќе протестираат на 3 и 4 август, а вработените во логистичкиот центар во Ковентри на 4 и 5 август, се додава во соопштението на ГМБ, пренесува Танјуг.
Обединетото Кралство оваа година се соочува со серија штрајкови, при што неодамна протестираа и лекарите специјалисти и помладите лекари.