На кинеската делегација ѝ е забранет влез во Вестминстерската сала и да ѝ оддаде почит на покојната кралица Елизабета Втора, дознава Би-Би-Си.
Претседателката на Долниот дом на британскиот парламент, Линдзи Хојл, го одбила барањето на кинеската делегација за пристап до Вестминстерската сала, поради санкциите што Кина ги воведе минатата година врз неколку британски парламентарци поради критикување на политиката на Пекинг кон малцинството Ујгур.
Како одговор, на кинескиот амбасадор во Обединетото Кралство му беше забранет влез во парламентот, а оваа мерка сега е проширена и на делегацијата која сакаше да и оддаде почит на кралицата Елизабета.
Кинескиот потпретседател Ванг Кишан се очекува да присуствува на погребот на кралицата во понеделник, кој ќе се одржи преку улицата од Парламентот во Вестминстерската опатија.
Кинескиот претседател Си Џинпинг е на списокот на гости за државниот погреб, но се верува дека нема да присуствува, јавува Би-Би-Си.
Сите информации поврзани со најновите случувања во Велика Британија можете да ги прочитате ТУКА.