Најмалку 10 осомничени членови на банда биле линчувани на Хаити, а жителите на главниот град Порт-о-Пренс ги запалиле нивните тела, соопшти полицијата на Хаити.
Портпаролот на полицијата изјави дека група вооружени бандити возат низ главниот град, а полицијата имала намера да ги уапси.
Тој додаде дека озлогласениот криминален бос Карло Петиом е мртов, но не даде дополнителни детали за неговата смрт, пренесува Ројтерс.
Insecurity in the Haitian capital, Port au Prince, has reached levels similar to a country at war — UN pic.twitter.com/cppNZwL2CE
— TRT World Now (@TRTWorldNow) April 25, 2023
Британската новинска агенција соопшти дека линчот дошол по неколкудневни судири меѓу членовите на бандата и безбедносните сили.
Фотографиите и видеата на Ројтерс на социјалните мрежи покажаа неколку тела наредени на патот, со запалени гуми и предмети покрај нив, додека луѓето ги опкружуваат и луто викаат.
Бандите на Хаити зајакнаа од 2021 година, кога беше убиен претседателот Џовенел Мојс, а беззаконието избувна и во други делови на земјата, освен во Порт-о-Пренс.
Port-au-Prince #Haïti aujourd’hui la police et la population ont tué et brûlé les corps de 14 membres de gangs armés de fusils et d’armes de poing.
Edson Samson (@Mr_Edson_Samson)
Cette vidéo montre la capture des 14 membres du gang avant leur exécution. pic.twitter.com/SaTwrwlJs7
— John Trump 17 (@johnTru06388767) April 25, 2023
Состојбата се влоши во претходните месеци, кога имаше престрелки меѓу бандити и полиција.
Како што додава Ројтерс, криминалните групи контролираат околу 80 отсто од урбаниот дел на Порт-о-Пренс, а присутни се околу 200 банди.