iOS 17 на Епл ќе вклучува едно од најголемите ажурирања за Ајфон во изминатите години.
Меѓу другото, новото ажурирање ќе донесе транскрипција на говорна пошта во реално време, „контакт постери“ кои ќе им овозможат на корисниците да изберат фотографија што се појавува кога ќе ги повикаат контактите кои имаат iPhone и нов кориснички интерфејс.
Но, најмногу внимание на социјалните мрежи привлече информацијата за поместување на иконата за завршување на повикот.
Имено, во бета верзиите на iOS 17, Apple ја помести иконата „End call“.
Сега таа опција е преместена во долниот десен агол на екранот, додека претходно беше во средината на долната третина од екранот.
Многумина веќе се жалат дека тоа ќе им создаде големи проблеми на почетокот.
„Веќе гледам дека автоматски ќе притискам на старото“, „Ќе ми требаат месеци да се навикнам“, „Какви проблеми ќе имам со исклучувањето“, пишуваат луѓето.
iOS 17 ќе излезе наесен, по објавувањето на новите модели на iPhone.
El nuevo ‘software’ de Apple, iOS 17, incluirá una de las mayores actualizaciones en la aplicación de llamadas de iPhone en varios años. | Apple introduce una revolucionaria actualización en la aplicación de llamadas de iPhone – El Mundo https://t.co/sVq3RSc9Qk pic.twitter.com/iqm2QE4jWC
— Que Pasa Boricua Tech (@QPBTech) August 11, 2023
Не е првпат интерфејсот да се менува
Ова не е прв пат Apple да го обнови корисничкиот интерфејс за да ги стави копчињата поблиску до дното на телефонот, особено бидејќи екраните на телефонот постојано стануваат се поголеми.
Во 2021 година, Apple го промени својот прелистувач Safari во iOS 15 бета верзијата за да ја стави лентата за URL на дното и да го ажурира дизајнот.
Сепак, до моментот кога беше објавена конечната верзија во септември, Apple го измени дизајнот, промени некои работи и им даде на корисниците опција да ја преместат лентата за URL на врвот на страницата.