Министерството за внатрешни работи попладнево ја негираше информацијата дека се пронајдени две лица кои наводно се мајка и малолетна ќерка со потекло од Република Албанија.
Претходно порталите пренесоа информација дека лицата биле пронајдени живи после четири дена потрага во калта во селото Сингелиќ и дека истите се во болница каде се во шок и не зборуваат.
Во СВР Скопје не е пријавен ваков настан, а од страна на Единицата за информации – команда во СВР Скопје телефонски е стапено во контакт со Градска општа болница „8-ми Септември“,Градска општа болница „Св. Наум Охридски“, комплекс клиники „Мајка Тереза“ и Брза помош на град Скопје, при што е констатирано дека кај ниту една од градските болници не се донесени ниту пријавени вакви лица – велат од Министерството за внатрешни работи.
Засега бројот на починати останува 22, евакуирани околу илјада, но нема конкретна информација дали се уште има исчезнати лица по кои се трага.