Како што информира МВР, во текот на изминатото деноноќие, во прифатниот бегалски центар на Гевгелија, издадени се потврди на вкупно 2.797 странски државјани, од кои најбројни се државјаните на Сирија – 1.126, Авганистан – 880 и Ирак – 791 .
Од 19 јуни заклучно со вчера, издадени се потврди на вкупно 300.420 странски државјани и поднесени се вкупно 80 барања за остварување право на азил.
Инаку, економските мигранти кои секојдневно пристигнуваат на јужната граница и понатаму немаат дозвола за преминување на македонската државна граница и покрај протестите кај граничниот камен.
Во текот на вчерашниот ден, повторно дојде до протести и судири со македонската полиција, но МВР засега се` уште нема излезено со конкретни детали за тоа што точно се случуваше на преминот Идомени.