Русија во понеделник ги отфрли обвинувањата дека нејзините воени авиони го нарушиле воздушниот простор на земјите-членки на НАТО, предупредувајќи дека таквите изјави го зголемуваат ризикот од ескалација на тензиите.
– Ги сметаме ваквите изјави за празни, неосновани и за продолжение на целосно неограничената политика на ескалација на тензиите и провоцирање на конфронтациска атмосфера – изјави портпаролот на Кремљ, Дмитриј Песков, одговарајќи на новинарски прашања за обвинувањата на Естонија дека Русија го нарушила нејзиниот воздушен простор.