Руската Федерална служба за безбедност (ФСБ) денеска соопшти дека на 4, 9 и 12 август, украински саботери разнеле вкупно шест далноводи за пренос на електрична енергија преку кои нуклеарната централа Курск ја снабдува со електрична енергија индустријата, сообраќајот, инфраструктурата и населението. на соседните области.
„Активностите на саботери го оневозможија технолошкиот процес на функционирање на нуклеарната централа Курск“, се вели во соопштението на ФСБ.
Потрагата по саботери и нивните потенцијални помагачи е во тек, безбедносните мерки околу постројките на нуклеарната централа се подигнати на повисоко ниво, пренесува Спутник.
Настанот се третира како терористички напад и соодветно е покрената кривична постапка.
Курската област се наоѓа на границата со Украина.
Сите информации поврзани со најновите случувања со војната во Украина можете да ги прочитате ТУКА.