Глобалната економија е на пат кон хиперинфлација и на светот му се заканува социјален колапс доколку огромниот пораст на цените не се стави под контрола, предупреди еден од најголемите хеџ фондови во светот.
Елиот Менаџмент, хеџ фондот основан од милијардерот од Волстрит Пол Сингер, испрати апокалиптично предупредување до клиентите, пишува Телеграф.
Глобалната економија се соочува со „исклучително предизвикувачки изглед“ и хиперинфлацијата може да резултира со „глобален социјален колапс и граѓански или меѓународен конфликт“, се вели во писмото до клиентите.
Централните банки, се додава, биле лицемерни во обидот да ги обвинат другите за растот на цените, оттргнувајќи го вниманието од нивната долгорочна премногу лабава монетарна политика.
Елиот е еден од највлијателните хеџ-фондови во светот и од него стравуваат корпоративните одбори поради неговиот пристап кон активистичките инвеститори, пишува Телеграф.
Централните банки се принудени брзо да ги зголемат каматните стапки за да се справат со инфлацијата, при што стапката на раст на цените во Велика Британија достигнува двоцифрена.
„Ужасни можности“
Федералните резерви на САД гласаа за зголемување на референтната каматна стапка четврти пат по ред за 0,75 процентни поени во средата, исто како и Банката на Англија.
Пазарите на акции веќе издржаа тешка година бидејќи глобалните економски изгледи се влошуваат и каматните стапки паѓаат на нивоата што последен пат беа видени пред финансиската криза.
Но, Елиот верува дека инвеститорите треба да се подготват за „сериозно неповолна дефлација на меурчиња“ поради голем број „страшни и сериозно негативни можности“.
Инвеститорите не треба да веруваат дека се е веќе видено во претходните финансиски кризи, се предупредува во писмото.
Ненадејниот крај на ерата на евтини пари „овозможи низа исходи кои можат да ги оспорат границите на се што е воспоставено по Втората светска војна“, се додава во писмото.
Сите информации за економско-енергетската криза во Македонија, регионот и светот можете да ги прочитате ТУКА.