Моди: Ќе ја направиме Индија развиена земја во следните 25 години

Сподели со своите пријатели

Индискиот премиер Нарендра Моди вети дека енергично ќе работи на трансформирање на Индија погодена од сиромаштија во развиена земја во следните 25 години.

Loading...

Моди им се обрати на граѓаните по повод одбележувањето на годишнината од независноста на земјата од британската власт, пренесе АП.

Премиерот рече дека Индија ќе се раководи од идеалите на самодоверба и духот на меѓународното партнерство, за да постигне понатамошен напредок во науката, технологијата и индустријата и да постигне безбедност на храна и енергија.

Индија, со население од околу 1,4 милијарди, веќе е една од водечките земји во областа на информатичката технологија, фармацевтските производи, вселенската наука и цивилната нуклеарна енергија.

ПРОЧИТАЈТЕ И:  Еве зошто Америка нема да го нападне Иран - еден генерал го победи Пентагон

Во својот 80-минутен говор, Моди не ги спомна заладените односи на Индија со нејзините непосредни соседи Пакистан и Кина, ниту какви било чекори за подобрување на тие врски.

Индија ја слави својата независност од Обединетото Кралство во 1947 година на 15 август.

Откако британскиот парламент го усвои Законот за независност на Индија во 1947 година, сè беше подготвено за независноста на Индија.

Во времето на независноста, територијата беше поделена и на тој начин беа создадени две суверени држави – Индија и Пакистан.

Loading...

Движењето за независност предводено од Махатма Ганди, познат по неговиот ненасилен отпор и граѓанска непослушност, одигра клучна улога во постигнувањето на индиската независност.

ПРОЧИТАЈТЕ И:  Бројот на барања за азил во ЕУ се приближува до бројот од врвот на миграциската криза

Празникот се слави низ Индија – со церемонии, паради и културни настани.