Последното четвртфинале од завршницата на Купот „Благоја Георгиевски-Бутур“ во кое се сретнаа екипите на Пелистер и на домаќинот, МКК Куманово, очекувано, донесе полна сала и најголеми возбудувања.
И победа на екипата-домаќин, МКК Куманово…
Сериозни проблеми имаа кумановци со реализацијата на слободните фрлања. Во првиот период, само Луковиќ имаше (1/6) од линијата за слободни фрлања. И извесно е дека ќе имаа „домаќините“ поголемо водство од она (15:11), кое противникот успеа да го престигне.
И по десет минути од последното четвртфинале, Пелистер да биде еден поен пред МКК Куманово (18:17).
По тројката на Стојановски, „зелено-белите“ имаа и повисоки, (21:17), на почетокот на втората четвртина.
Без Луковиќ во рекетот, „пелистерци“ имаа многу повеќе опции во нападот, ја искористија ситуацијата, и ја зголемија предноста, (28:23), потоа и на (31:25).
Влегувањето во игра на Ѓуроски, и враќањето на Луковиќ донесоа малку поинаква слика на на теренот. Искусниот двоец му донесе нерешен резултат на МКК Куманово во четвртфиналето (36:36), по неполни 19.минути од играта.
Слободните фрлања беа и останаа слабост во играта на „сино-белите“, кои првото полувреме го завршија со повеќе од ниски (7/17). Но добра скок-игра, макар што во вториот период, за само неколку минути гостите од Битола освоија дури шест топки во фазата на нападот.
Тоа и им ја доенсе прендоста на полувремето (41:27).
Со Малешевиќ како прво поентерско име, реализираше 15.поени.
На другата страна, Луковиќ застана на 12.реализации (и пет скока).
Со серијата од (8-2), реализирана за неполни четири минути, МКК Куманово ја врати предноста на својата страна (45:43). Но не за долго, затоа што битолчани одговорија со своја серија на поени, која ги врати во позитива (56:50), кога се играше 29.минута. Но Радукиќ, и неизбежниот Луковиќ не дозволија истата да биде и повисока.
По три одиграни четвртини, водеше Пелистер, но со минимални (56:54).
Имаа битолчани и плус 5 (61:56), на почетокот на последната четвртина. Веќе на средината, резулатот одново беше израмнет, двете екипи имаа по 61.поен. А по тројката на Стевановиќ, нова промена на водството, сега на страната на МКК Куманово (64:63), на нешто повеќе од четири минути до крајот.
По тројката на Николиќ, вистинска ерупција од воодушевување во салата, МКК Куманово поведе со (67:64). По поените на Радукиќ, разликата беше уште поголема (71:64), на 02:50 минути до крајот.
Застана играта во нападот на гостите од Битола, токму во четвртината на одлука, кумановци знаеја да го казнат тој слаб период, и да се пласираат во полуфиналето.
Кај МКК Куманово, Луковиќ застана на ефект од 20.поени (плус седум скока), Радукиќ го следеше со 17. реализации седум скока и шест додавања), а Николиќ додаде уште десет.
Во екипата на Пелистер, Малешевиќ реализираше 22.поени (девет скока и две асистенции), Дејвис имаше 12,а Вилсон 13.поени.
фото: Никола Ивановски