Мештани од Табановце се преправале во бегалци и земале облека од кампот

Сподели со своите пријатели

Невладините организации кои активно учествуваат во справувањето со бегалската криза во текот на вчерашниот ден забележале локално месно население од селото Табановце како влегува во камповите и се преправа во бегалци, информираат од Регионалниот центар за управување со кризи.

Така преправени барале облека од волонтерите, но биле забележани дека зад шаторите облеката ја ставаат во торби и повторно се враќаат да бараат нова, стои во извештајот.

Откако претставниците на невладините организации забележале дека го прават тоа, пријавиле во полицијата, а службеницит еги идентификувале како локалци. Истите тогаш започнале да упатуваат навреди и закани кон претставниците на невладиниот сектор од кои ја добиле пријавата.

Додека се одвивала целокупната драма едно лице од невладините организации останало без својот мобилен телефон, кој најверојатно е украден, а целокупната приказна била раскажана и на претставниците од УНХЦР.

Zа да хаосот биде поголем продавачи на цигари кои биле во транзитниот центар физички се пресметувале, а како причина за истото била цената на цигарите.

Во текот на вчерашниот ден полициски службеници вршеле проверка на сите лица кои влегуваат во Транзитниот центар Табановце, како и сите што ги немало на списокот на вработени во невладините организации, за кои било проблем да влезат во кампот, а проблем имале и претставниците на Министерството за труд и социјална политика.

Причините за ваквото постапување на службените лице засега не се познати.


Comments are closed, but trackbacks and pingbacks are open.