15.01.2020 08:46

Месечен надоместок за уште 1.000 стечајци до пензионирање

Facebook Twitter Google+

Собранието на Република Северна Македонија, вчера на предлог на Министерството за труд и социјална политика ги изгласа најновите измени и дополнувања на Законот за материјално обезбедување на невработените лица поради приватизација на претпријатијата во доминантна државна сопственост.

Законот стапува на сила со објавувањето во Службен весник на Република Северна Македонија и ги повикуваме стечајните работници од петок да поднесуваат барања во Центрите за вработување за да може да го остварат правото на користење на месечен надометок од околу 8.000 денари.

loading...

-Со последните измени опфатот на стечајни работници коишто ќе бидат материјално обезбедени до нивно пензионирање се проширува на уште 1.000 лица, со што вкупната бројка на материјално обезбедени стечајци коишто ги реши оваа Владата за две и пол години е 12.000. Како за споредба, претходната власт за вкупно 11 години владеење успеа да реши само 4.000 стечајни работници, велат од прес службата на Владата.

Со неколкуте измени коишто претходно беа направени на предлог на Министерството за труд и социјална политика како Влада покажавме дека имаме слух за работниците коишто со години беа оставени без никакви приходи и без работа како последица на транзицијата, велат надлежните.

Приоритет на Владата и на Министерството за труд и социјална политика, како што се појаснува во соопштението, е борбата против сиромаштијата и подобрување на условите за живот на секој поединец во државата.

-Како Влада којашто работи одговорно продолжуваме да се грижиме и да работиме на подобрување на финансиската состојба на најранливите граѓани, стои во писменото известување од прес службата на Владата на РСМ.


© Со преземање на содржината ги прифаќате Условите за преземање содржини
Loading...

Последни наслови

Facebook Comments