Русија мора да одговори на украинскиот терористички напад на мостот на Крим со директно убивање на терористите, изјави Дмитриј Медведев, поранешен руски претседател и актуелен заменик претседател на Советот за безбедност на Русија, во интервју со новинарката Надана Фридрихсон, објавено на нејзиниот канал Телеграм. пишува руската прорежимска новинска агенција ТАСС.
„Нападот е терористички акт и саботажа на криминалниот режим во Киев“
Медведев го препиша злосторството, како што рече, на пропаднатата држава Украина.
– Нарачател и сторител на злосторството е пропаднатата држава Украина. Тоа е терористички акт и саботажа на криминалниот киевски режим. Нема сомнеж и немаше. Сите извештаи и заклучоци се составени. Одговорот на Русија на ова злосторство може да биде само директно уништување на терористите. Исто како што е прифатено во светот. Тоа го чекаат граѓаните на Русија – рече тој.
Шефот на рускиот Истражен комитет Александар Бастрикин на состанокот со рускиот претседател Владимир Путин во неделата вечерта изјави дека „зад терористичкиот напад стојат украински специјални служби, а како помошници дејствувале руски државјани и странци“, пишува ТАСС.
Тој исто така рече дека е започната истрага и дека осомничените веќе се идентификувани со оперативна поддршка на офицерите на ФСБ.
– Нападот што го изврши режимот во Киев несомнено имаше за цел да ја уништи виталната руска цивилна инфраструктура – рече Путин.
Сите информации поврзани со најновите случувања со војната во Украина можете да ги прочитате ТУКА.