Масовни воздушни напади врз Украина (ВИДЕО)

On:
Сподели со своите пријатели

Руските сили синоќа изведоа масовни воздушни напади врз неколку области во Украина, а цел беа областите Запорожје, Харков, Лавов и Дњепропетровск, како и Кривиј Рог, пренесоа украинските медиуми.

Loading...

Регионалната воена управа на Запорожје соопшти дека во ударите се уништени седум станбени згради, а 35 се оштетени, а има и повредени, пренесува Укринформ.

Градоначалникот на Харков, Ихор Терехов, изјави дека во тој град одекнале 15 експлозии и дека руските сили ги погодиле објектите на електродистрибутивната мрежа.

„Досега се потврдени 15 експлозии во Харков. Има проблеми со снабдувањето со електрична енергија во градот. Непријателот ги гаѓа објектите на електричната дистрибутивна инфраструктура. На некои места избувнаа пожари“, рече Терехов на Телеграм.

Градоначалникот на Кривој Рог, Александар Вилкул, објави дека во руските напади била погодена критична инфраструктура.

„Онаму каде што има можност, потребно е да се набави вода, да се полнат електрични апарати и генератори на струја“, рече Вилкул, пренесува Униан.

Во Криви Рог се воведени распореди за итни случаи за исклучување, а болниците и другата инфраструктура се снабдуваат со струја од агрегати.

Синоќа руските воздушни напади ја оштетија електроенергетската инфраструктура и во регионот Лавов, соопштија регионалните власти.

Loading...

Според началникот на регионалната воена управа на Лавов, Максим Козицки, едно од беспилотните летала удрило во енергетски објект, по што избувнал пожар, кој во моментов се гаси.

Засега нема информации за повредени.

Рускиот ракетен напад оштети енергетски објекти во четири окрузи на регионот Дњепропетровск, изјави шефот на регионалната воена администрација Серхиј Лисак, пренесува Интерфакс Украина.

Тој додаде дека ќе се воведат итни прекини на струјата.