Маск доби договор со НАСА и го исмеја Безос кога тој се пожали

Сподели со своите пријатели

Минатата недела американската вселенска агенција НАСА ја избра компанијата на Илон Маск „Спејс Икс“, во конкуренција на тројца наддавачи, за да го направи идното лансирање лунарниот лендер „Артемис“, што е договор вреден 2,9 милијарди долари.

Loading...

„Блу ориџин“, компанија основана од извршниот директор на „Амазон“ Џеф Безос – инаку во постојана „војна“ со Маск – тогаш поднесе официјален протест против ваквата одлука, а понатамошните случувања покажуваат дека нивното ривалство само ќе се продлабочи.

Имено, после тоа, Маск жестоко го критикуваше Безос.

„Не може да го подигне (во орбитата) ЛОЛ“, напиша Маск на Твитер, приложувајќи линк до написот на Њујорк Тајмс под наслов „Џеф Безос ја открива визијата за Блу Ориџин за вселената и лунарниот лендер“.

 

Во текстот Безос рече дека сака да изгради инфраструктура за луѓето да живеат во вселената, што е желба на Маск, кој планира да ги однесе луѓето на Марс до 2026 година.

Двајцата веќе долго време се расправаат за тоа кој е „крал на универзумот“, како што живописно го опиша „Гизмодо“.

Loading...

„Блу Ориџин“ ја поднесе својата жалба вчера до Сојузниот завод за отчет на владата. Протестот на дури 50 страници покажува дека Безос и неговите деловни партнери нема да дозволат оваа одлука без борба.

НАСА, како што објасни компанијата во соопштението, „спроведе неправилна аквизиција за програмата „Систем за човечко слетување“ и ги смени правилата во последен момент.

Цитирајќи ја НАСА, „Блу ориџин“ изјави дека станува збор за „избор со висок ризик“ и дека одлуката „ги елиминира можностите за конкуренција, значително ја стеснува основата за набавки и не само што го одложува, туку го загрозува враќањето на Америка на Месечината“.

Гизмодо потсетува дека Blue Origin се здружи со Лохид Мартин, Нортроп Груман и Дрејпер во трката против SpaceX и Dynetics за изградба на нов систем за слетување на луѓе како дел од идната лунарна мисија Артемис.

Во мај, НАСА му даде на Безос 579 милиони долари за надградба на својот проект, додека Динатика и Спејс Икс добија 253 милиони и 135 милиони долари, соодветно.

Сега останува на Канцеларијата за одговорност на Владата да ги земе предвид поплаките и да одлучи дали НАСА навистина ги прекршила правилата на процесот на селекција.

Канцеларијата има 100 дена за таа одлука. Сепак, без оглед на нејзината одлука, тешко дека тоа ќе доведе до затишје на фронтот Маск-Безос.


Loading...

Leave a Reply

Your email address will not be published. Required fields are marked *