Марихуана паѓаше од небото во Израел (ВИДЕО)

Стотици вреќички со марихуана оваа недела паднаа од небото на централниот плоштад во Тел Авив, на голема радост на минувачите.

„Крајно време е, драги браќа. Дали е тоа птица? Дали е тоа авион? Не, тоа е зелен дрон што дели марихуана бесплатно”, напиша групата „Зелен дрон” во криптична порака во апликацијата „Телеграм”, пренесуваат израелските медиуми.

Стотици кесички биле фрлени од беспилотното летало, на радост на минувачите кои побрзаа да земат пакети со два грама марихуана на плоштадот Рабин, пред градската куќа во Тел Авив.

It's raining #marijuana: A drone mysteriously dropped hundreds of bags of #cannabis over Rabin Square in #TelAviv Thursday afternoon.
Full story: https://t.co/ipspWOZ5FK

Photos by @sassoniavsha1 pic.twitter.com/dxQkz0khRP

— The Jerusalem Post (@Jerusalem_Post) September 3, 2020

Две лица кои управувале со дронот биле запрени од полицијата.

Но, изгледа дека тука нема да биде крајот. „Зелениот дрон“ објави дека проектот „Дожд од марихуана“ ќе продолжи секоја недела на друга локација во Израел, каде вкупно ќе падне од небото еден килограм од таа дрога.

Иако Израел го одобри извозот на медицинска марихуана, производството, продажбата, купувањето и употребата на оваа „мека дрога“ за „рекреативни цели“ сè уште претставува прекршок.