Иако веројатно никој никогаш не сте помислиле дека маратонското гледање серија може да биде ништо друго освен штетно, се појави студија која докажува дека гледањето повеќе од четири часа ТВ содржини дневно е штетно за здравјето и ја зголемува можноста за згрутчување на крвта што може да доведе до сериозни здравствени проблеми, па дури и смрт.
Состојбата позната како тромбоемболизам е предизвикана од згрутчување на крвта кои се формираат во вените, а најчеста форма е длабока венска тромбоза, која предизвикува оток и болка, иако многумина не ги ни чувствуваат симптомите.
Овие блокади може да ги оштетат вените, особено ако не се лекуваат навреме, а тоа може да доведе до компликации како што се хронична болка, оток и чиреви.
Ако се разделат и се затнат, артериите во белите дробови може да предизвикаат компликации опасни по живот.
Фактори на ризик вклучуваат возраст, оштетување на вените и веќе постоечки состојби како што се срцеви заболувања. Но, предолгото престојување на едно место го зголемува ризикот и тоа е вообичаено кај пациентите кои се врзани за кревет поради тешка болест.
Затоа, не е изненадување ако сте „пациент“ кој поминува 10 часа пред телевизор, гледајќи ја целата сезона на серијата.
35% поголеми шанси за развој на тромбоза
Во текот на истражувањето биле анализирани околу 130 илјади учесници постари од 40 години на кои на почетокот на студијата не им била дијагностицирана тромбоза.
Нивното здравје било следено неколку години (понекогаш и 20), а тие одговарале на прашања поврзани со животни навики, вклучително и гледање телевизија.
На повеќе од 1.000 луѓе им била дијагностицирана длабока венска тромбоза во еден момент од студијата.
Оние кои одговараат на критериумот за подолго гледање се оние кои поминуваат три или повеќе часа дневно гледајќи телевизија и било откриено дека имаат 35% поголеми шанси да развијат тромбоза од оние кои ретко гледаат телевизија.
Иако врската помеѓу гледањето телевизија и згрутчувањето може да постои и кај оние кои спортуваат, тоа не значи дека активноста не помага.
Редовното вежбање секако го намалува ризикот, а на оние кои подолго гледаат телевизија во една положба им се советува да прават кратки паузи и да стануваат и да се истегнуваат на секои 30 минути.