Малолетник од Куманово е тешко повреден откако со својот мотор се судрил со „БМВ“ управувано од 25-годишник.
– На 17.07.2025 околу 19.20 часот во СВР Куманово е пријавено дека на крстосницата од ул.„Перо Шварц“ и ул.„Миле Кипра“ во Куманово се случила сообраќајна несреќа помеѓу патничко возило „бмв“ со кумановски регистарски ознаки, управувано од 25-годишната С.М. од с.Облавце, општина Старо Нагоричане и мотоцикл „јамаха“ со кумановски регистарски ознаки, управуван од 17-годишник од Куманово, информираат од Министерството за внатрешни работи.
Во несреќата, како што додаваат од полицијата, со тешки телесни повреди се здобил мотоциклистот, констатирани во Општата болница Куманово.
Извршен бил увид од увидна екипа од СВР Куманово.
Никола Ивановски