Францускиот претседател Емануел Макрон се спротивстави на предлогот за отворање канцеларија за врски на НАТО во Јапонија, бидејќи смета дека Алијансата не треба да се шири надвор од северноатлантскиот регион и треба да остане фокусирана на таа област, пишува весникот „Фајненшл тајмс“.
Опозицијата на Франција ги усложни дискусиите во НАТО, кои траат веќе неколку месеци, за отворањето на првата пункта на Алијансата во индо-пацифичкиот регион.
Предлогот за отворање мала база во Токио следната година доаѓа во време кога САД и Јапонија ја повикуваат Европа да се вклучи повеќе во безбедносните прашања во Азија, особено во услови на зголемена загриженост за потенцијална воена акција на Кина против Тајван.
Сепак, предлогот доаѓа откако Пекинг ги критикува напорите на САД за создавање, како што Кина го нарекува „антикинеска коалиција во индо-пацифичкиот регион“, што го опишува како „азиско НАТО“.
Неименуван француски функционер рече дека Париз верува дека Повелбата на НАТО бара географскиот „досег“ на Алијансата да биде ограничен на Северен Атлантик.
Сепак, истиот функционер посочува дека тоа може да го загрози европскиот кредибилитет кај Кина во врска со војната во Украина, особено во однос на повикувањето на Пекинг да не испорачува оружје на Русија.
Еден од изворите запознаени со дебатата во Алијансата изјави дека Франција не сака да поддржи ништо што може да придонесе за зголемување на тензиите меѓу НАТО и Кина.
Макрон минатата недела рече дека би било голема грешка да се инсистира на „проширување на спектарот и географијата на Алијансата“.
„Фајненшл тајмс“ потсетува дека за отворањето на канцеларијата е потребна едногласна поддршка од Северноатлантскиот совет, највисокото политичко тело за одлучување во Алијансата, што значи дека Франција има моќ да го спречи спроведувањето на таков план.
Јапонија и НАТО преговараат за отворање на канцеларија во Токио од 2007 година.
Сите информации поврзани со најновите случувања со војната во Украина можете да ги прочитате ТУКА.