Владата на францускиот претседател Емануел Макрон се обидува да го оживее неговиот нагон за економски реформи и да постигне голема политичка победа оваа недела со започнување реформа на пензискиот систем наспроти жестоката опозиција на синдикатот.
Утре, француската премиерка Елизабет Борн ќе ги изложи деталите за плановите најверојатно да се зголеми старосната граница за пензионирање за Французите на 64 или 65 години од 62.
Според Ројтерс, поминувањето на реформата низ парламентот нема да биде лесно, пренесува Танјуг.
На Макрон му недостига мнозинство и ќе мора да придобие неколку десетици конзервативни пратеници или да ги искористи уставните овластувања за да го заобиколи Собранието, што би ја разбеснило опозицијата.
Со една од најниските возрасти за пензионирање во индустријализираните земји во светот, Франција троши повеќе од повеќето други земји на пензии, речиси 14 отсто од економското производство, покажуваат податоците на Организацијата за економска соработка и развој (ОЕЦД).
Пензиската реформа во Франција, каде правото на целосна пензија се стекнува од 62-годишна возраст, отсекогаш била чувствителна тема, особено сега со растечкото незадоволство поради зголемените трошоци за живот.
Владата смета дека реформата е неопходна, за да се обезбеди финансирање на пензиите во наредните години.
„Целта е да се постигне рамнотежа без зголемување на даноците или намалување на пензиите. Има различни опции на маса, но сите тие вклучуваат зголемување на старосната граница за пензионирање“, изјави за новинарите портпаролот на француската влада Оливие Веран.