Жена по име Герда Кол го доби најпосебниот подарок што можеше да го побара на својот 98-ми роденден: можноста повторно да се соедини со својата ќерка за прв пат по 80 години.
Како млад еврејски бегалец, Кол побегнал од Австрија во 1939 година во Англија на почетокот на Втората светска војна. Неколку години подоцна, таа станала мајка на 18-годишна возраст.
Ограниченото образование и економските тешкотии не ѝ оставиле друг избор освен да ја предаде новородената ќерка на посвојување.
Иако никогаш повеќе не ѝ било дозволено да стапи во контакт со своето дете, Кол продолжила да живее исполнет живот. Таа се преселила во Канада, заработила неколку дипломи и патувала низ светот.
Во меѓувреме: ќерката на Кол, Соња Грист речиси и да немала информации за нејзината биолошка мајка и верувала дека е мртва. Синот на Грист, Стивен дошол до одредено сознание и за Торонто Сан изјавил:
„Дознав дека Герда, биолошката мајка на мајка ми, има посинок и го контактирав на Фејсбук. Ми недостасуваат повеќе информации. Ми треба само потврдата за смртта на Герда. Можеш ли да ми помогнеш со тоа? И тој рече: „Нема да ја најдете нејзината смртна потврда бидејќи таа е сè уште жива и живее во дом за стари лица во Канада“. И си помислив: „О Боже! Мајката на мајка ми е сѐ уште жива и има 97 и 98!”
Стивен и Соња брзо отпатувале во Торонто и го нашле споменатиот дом за стари лица. Видео споделено од CBC News покажува како мајка и ќерка споделуваат емотивна прегратка. Плачеа, се смееја, играа и јадеа колачи.
Што се однесува до мајчинските совети, Кол ја споделила мудроста со својата ќерка:
„Не чекај утре бидејќи можеби е доцна, ако сакаш да живееш, живеј сега, а не утре или задутре“.
A Toronto woman reunites with her daughter after 80 years apart. #TheMoment pic.twitter.com/2vGiRjM6R5
— CBC News: The National (@CBCTheNational) May 9, 2022