Периодот на новогодишни и божиќни празници за многумина претставува време кога покрај прејадувањето, се јавуваат и бројни скршеници предизвикани од паѓања, но и некои бизарни случани на (само)повредувања.
Поголемиот број од луѓето ја украсуваат елката со електрични светилни, но во некои земји, како Швајцарија, се уште сакаат да користат свеќи.
Помеѓу 1971 и 2012 година, 28 државјани на Швајцарија доживеале значителни изгореници од тоа, а четворица како резултат на изгорениците починале.
Истражувањето од Канада покажува дека луѓето кои се повредиле со поставување новогидшни и божиќни светилни во просек минале 15 дена во болница и за жал, пет отсто од повредените починале. Новогодишните и божиќните сијалки се особено опасни за децата затоа што се со „совршена“ големина да ги изедат или вдишат.