Офицерот на Народната милиција на самопрогласената Луганска Народна Република (ЛНР), Андреј Марочко, тврди дека Киев одлучил постепено да ги укине единиците од Северск, во областа Доњецк, во источна Украина.
„Украинската команда донесе одлука за етапно повлекување на нејзините единици од населбата Северск. Според наредбата, позициите треба да се остават тајно и да се повлечат во мали групи“, напиша Марочко на Телеграм, пишува весникот „Известија“.
Претходно денеска првиот заменик-министер за информации на самопрогласената Доњецка Народна Република (ДНР), Данил Бесонов, изјави дека во Северск сѐ уште има точки на отпор на Вооружените сили на Украина, но дека силите на ДНР го чистат источниот дел на градот.
Судирите околу Северск започнаа на 3 јули, истиот ден кога руските сили ја презедоа контролата врз Лисичанск.
Северск се наоѓа на 30 километри западно од Лисичанск.
Сите информации поврзани со најновите случувања со војната во Украина можете да ги прочитате ТУКА.