Преку писмено соопштение, Локалниот Клуб на СДММ Куманово, реагира на според нив, однесувањето на локалните челници на ОК на ВМРО ДПМНЕ, посебно на пратеникот Зоран Ѓеоргиевски.
– Kако локален клуб на Социјалдемократската Младина на Куманово , сакаме да упатиме апел до челниците на ОК на ВМРО ДПМНЕ, особено до г-Зоран Ѓорѓиевски како кандидат за градоначалник на изминативе локални избори и како член на ЦК на ВМРО ДПМНЕ. Тој e чoвекот кој директно влијае на политиката во неговата партија од која зависи иднината на нашата државата и на нашиот град. Во последните години сите сме сведоци на тоа каква е релацијата помеѓу државните институции и општинските јавни претпријатија, каков е односот на актуелната власт и општината, и за што се грижи неговата партија во Куманово . Наместо да се занимаваат со актуелниот градоначалник, и да вршат опструкции на локалната самоуправа и јавните претпријатија, нека се сконцентрираат на решавање на проблемите со кои се соочува општината, поради игнорантскиот однос од власта. Покрај проблемот со водата, со нивното делување можат да придонесат и за решавање на проблемите со патарината Куманово – Скопје, каде веќе со години ветуваат дека ќе се најде решение на километарски колони кој се случуваат во летниот период. Реконструкција на автопатот Куманово – Скопје остана само ветување – место каде секојдневно има по некоја жрта. Но, за жал Куманово веќе подолго време е заборавено во секоја област: инфраструктура,капитални инфестиции, образование. И се додека ОК на ВМРО ДПМНЕ во Куманово не се грижат за граѓаните, се` до тогаш ќе немаат доверба и ќе бидат во дебела сенка, се вели во писменото соопштение на ЛК СДММ.