Светскиот ланец маркети ЛИДЛ наскоро ќе започне со отварање на своите маркети и во Македонија.
Предвидено е познатиот германски бренд да отвори неколку маркети во Скопје и уште во 7 други градови.
– Вредноста на оваа инвестицијата е 300 милиони евра, а во тек се преговорите за точните локации кои ќе се отворат прво во Скопје, стои во соопштението испратено до медиумите од СДСМ.
Со влезот на „Лидл” – познатиот синџир на маркети, ќе се поддржи и македонското земјоделство.
Обврска на инвеститорот „Лидл” е и откуп и продажба на домашни земјоделски, кондиторски и секаков вид на производи кои се компетитивни за сите маркети на „ЛИДЛ“ во југоисточна Европа.
– “Лидл” значи и отварање на нови работни места во Скопје и во повеќе градови во нашата држава., стои во соопштението на Социјалдемократскиот сојуз на Македонија.
Инвестицијата на германскиот „ЛИДЛ“, велат од СДСМ, е дел од владиниот Интервентен план на инвестиции кој треба да се реализира во периодот 2021 – 2027 година.
Никола Ивановски