Лето, топло време и недостаток на идеја за ручек се сосема вообичаени. Доколку сте уморни од подготвување оброци за целото семејство и смислување нови ајдења во продолжение прочитајте одличен рецепт кој нема да ви одземе многу пари и време.
Дефинитивно одлична комбинација со мелено месо и патлиџан па запечено во рерна и полнетите пиперки ќе добијат еден модерен вкус и изглед.
Состојки:
1/2 килограми мелено месо (по желба)
1 домат (средна големина)
1/2 главица кромид
1 чешниче лук
2 јајца
1-2 лажици лебни трошки
сол, бибер и зачини по желба
пиперки
сок од домати за вкус
Подготовка
Динстајте малку половина главица кромид, додајте месо и на коцки исечкан домат.
Динстајте додека месото малку не се запече, а доматот да пушти вода. Посолете и забиберете.
Кога ќе се олади додадете ги двете јајца и лебни трошки, за да малку се поврзе.
Пиперките очистете ги, наполнете ги со месо и секоја по желба затворете ја со домат.
Ставете во прикладен сад кој претходно ќе го премачкате со масло за готвење и потоа печете на 200 степени околу половина час додека пиперките не добијат поинаква боја.
Направете доматен сос и посипете ги пиперките и печете уште еден час.
Loading...