Германија се подготвува за обилни снежни врнежи и мраз во среда, а со тоа и за проблеми во сообраќајот.
Се очекуваат обилни снежни врнежи и услови за екстремen мраз, особено во централниот и јужниот дел на земјата, соопшти во вторник германската метеоролошка служба (DWD).
Германскиот Билд пишува дека досега се евидентирани неколку сообраќајни несреќи, а маж (86) загинал во близина на градот Анклам. Додека го чистел снегот го удрил автомобил.
Наставата беше откажана во повеќето баварски градови и области во средата.
Возовите не сообраќаат на некои делници, додека ѓубрето денеска нема да се собира во Нирнберг.
„Црн мраз“ на патиштата
Метеоролозите предупредија на екстремна опасност од мраз на југозапад и „црн мраз“ – тенок слој мраз на патиштата – во јужниот дел на земјата.
Обилни снежни врнежи се предвидуваат за западниот и центарот на Германија.
Снег се очекува и во среда во централните и источните делови на земјата, според метеоролошките предупредувања објавени во вторник навечер.
Се очекуваат значителни ефекти врз транспортната инфраструктура.
Откажување на бројни летови
Аеродромот во Франкфурт очекува бројни откажувања на летови поради предвидените снежни врнежи.
Фрапорт, компанијата која управува со аеродромот, најави дека воздушниот сообраќај може да биде сериозно ограничен до четврток.
Аеродромот Сарбрикен дури во вторникот навечер објави дека целосно ќе ги откаже летовите во среда.
Прогнозите за врнежи од снег и замрзнат дожд во јужна и западна Германија, исто така, влијаеа на воздушниот сообраќај на аеродромот БЕР во Берлин.
Досега за среда се откажани 20 летови до и од Франкфурт и 10 летови до и од Минхен, изјави портпаролката на аеродромот.
Од патниците кои патуваат за Франкфурт или Минхен се бара редовно да го проверуваат статусот на летот.
Во некои области на Баварија, часовите исто така се откажани или се одржуваат од дома поради временските услови.