Рускиот министер за надворешни работи Сергеј Лавров изјави дека Москва наскоро ќе предложи време за разговори со американскиот државен секретар Ентони Блинкен.
Блинкен претходно изјави дека сака да разговара со Лавров за размена на затвореници во руските и американските затвори.
Во средата тој рече дека Вашингтон дал „значителна понуда“ за ослободување на американската кошаркарка Бритни Грајнер и поранешниот маринец Пол Вилан, кои се во затвор во Русија.
Изворот рече дека Вашингтон е подготвен да го размени рускиот затвореник Виктор Бут, кој се наоѓа во американски затвор, како дел од договорот.
Разговорите за размена на затвореници се во тек од самитот во Женева минатата година меѓу рускиот претседател Владимир Путин и неговиот американски колега Џозеф Бајден, рече Лавров на прес-конференција.
Тој додаде дека работат на утврдување на датумот и времето на разговорот и дека ќе слушаат што има да каже Блинкен.
Сите информации поврзани со најновите случувања со војната во Украина можете да ги прочитате ТУКА.