Лавров доби виза за учество на Генералното собрание на ОН

Сподели со своите пријатели

Шефот на руската дипломатија Сергеј Лавров и членовите на руската делегација добија визи за учество на Генералното собрание на Обединетите нации, објави во вторник руската новинска агенција, повикувајќи се на Министерството за надворешни работи.

Loading...

Русија со недели ги критикуваше САД дека не им даваат визи на членовите на руската делегација за учество на 77. сесија на Генералното собрание на ОН, што почнува денеска во Њујорк.

„Денеска му беа издадени визи на Лавров и на одреден број луѓе кои ќе го придружуваат“, објави Интерфакс, повикувајќи се на Министерството за надворешни работи.

ПРОЧИТАЈТЕ И:  САД дополнително го ограничуваат извозот на чипови во Кина

Москва ги обвини САД дека се обидуваат да го блокираат целосното учество на Русија во Генералното собрание.

Форумските сесии на високо ниво започнуваат следната недела.

Кремљ во вторникот ги обвини САД за „прекршување на своите обврски“ со тоа што не ѝ дадоа визи на целата руска делегација и рече дека преземаат чекори за да ги повикаат ОН и САД одговорни за ситуацијата.